فات النهار

فات النهار ساحب ضفاير شمسها فوق للسما وانا هنا واقف مكاني منتظر عز النهار يا هل ترى فات المعاد المنتظر قبل اللقى واللا الهوى عمره ما يعرف انتظار يا دي السنين اللي بتنهش في الجبين ترسم خيوط العمر في صورة شجن ترسم عيون الطفل مشتاق للحنين يكبر حنين الحلم في صورة كفن أبيض لكنه مرتعش رعشت ايدين الطفل في مسك القلم رعشت ايدين الشب في مسك العلم رعشت ايدين الجد من غدر الألم طول عمره عايش مرتعش لكنه واقف منتظر عز النهار .... وبالنهار شعري مخاوي بسمة الطفل ف حكاوي السندباد فرحة صبي لما لقى شباك حبيبته ينفتح بعد البعاد وبالنهار هحمي هابيل من ليل طويل مليان عويل مليان عناد وبالنهار هقسم رغيف الشمس بين كل العباد وبالنهار همسح سواد الظلم من قلب السواد وبالنهار فات النهار لكني هفضل منتظر عز النهار