م الآخر| أنا غيرهم
م الآخر| أنا غيرهم
ﻭﻳﺤﺮﻡ ﻋﻠﻲ ﺍﻟﻘﻠﻢ ﺍﺳﻤﻚ
ﻭﻳﺮﺣﻞ ﻡ ﺍﻟﻌﻘﻞ ﻓِﻜﺮﻙ
ﺑﻌﻴﺪﺓ ﻭﻛﻨﺖ أﻗﺮﺑﻠﻚ
ﻏﺮﻳﺐ ﺑﻴﻦ ﺍﻟﺒﻨﺎﺕ ﻗﻠﺒﻚ
ﻭﻟﻮﻧﻚ ﻣﺶ ﺑﻴﺸﺒﻬﻠﻲ
ﻭﻗﻠﺒﻚ ﻣﺶ ﺑﻴﺸﺘﻘﻠﻲ
ﻭﻗﻠﺒﻲ ﻣﻠﻜﻲ أﻧﺎ ﻟﻮﺣﺪﻱ
ﻛﺮﻫﺖ ﺍﻟﻌﺸﻖ ﻣﻦ ﺑﺪﺭﻱ
ﻭﻗﻠﺘﻠﻚ أﻧﺎ ﻏﻴﺮﻫﻢ
أﻧﺎ ﻏﻴﺮﻫﻢ ﻭﻣﺶ ﺑﺎﻗﻲ
ﻓﻲ ﻃﺒﻌﻲ ﻣﺶ ﺭﺍﺿﻲ
ﻭﻟﻮ ﻛﺎﻥ ﻛﻴﻒ ﺍﻟﻘﻤﺮ ﻭﺟﻬﻚ
أﻧﺎ ﺑﺮﺿﻮ ﻣﺶ ﻫﺎﺟﻲ
ﻭﻣﺶ ﻫﺎﺟﻲ ﻋﻠﻲ ﻧﻔﺴﻲ ﻭﻫﺎﺗﺤﻤﻞ
ﻭﻻ أﻛﺪﺏ ﻋﻠﻲ ﻧﻔﺴﻲ ﻭأﺗﺠﻤﻞ
ﻭﻗﻮﻟﺘﻴﻠﻲ أﻧﺎ ﺻﻐﻴﺮﺓ ﻭﻫﺎﺗﻌﻘﻞ
ﻭﻗﻠﺘﻠﻚ أﻧﺎ ﻏﻴﺮﻫﻢ ﻭﻣﺘﻘﺎﺭﻧﻴﺶ
ﻗﺎﺭﻧﺘﻴﻨﻲ ﻭﻗﻠﺘﻲ ﻣﺘﺴﺒﻨﻴﺶ
ﻭﺧﻠﻴﺘﻨﻲ ﻭﺣﺬﺭﺗﻚ ﻣﻦ ﻋﻨﺎﺩ ﺟﻨﺴﻚ
ﻭﻗﻠﺘﻠﻚ إﺣﻨﺎ ﻣﺶ ﻧﺪﻳﻦ
ﻭﻻ ﻋﻴﺒﺔ ﻗﻮﻟﺔ ﺣﺎﺿﺮ
ﻭﻻ ﻫﺎﺟﻲ ﻋﻠﻲ ﺿﻌﻔﻚ ﻭﺍﻗﻮﻝ ﺭﺍﺟﻞ
ﻭﻫﺎﺣﻤﻴﻜﻲ ﺣﺘﻲ ﻣﻦ ﻧﻔﺴﻚ
ﻭﺍﺳﻤﻊ ﻫﻤﺴﺔ ﻣﻦ ﺣﺴﻚ
ﻭﺍﻳﻮﺓ ﻛﻨﺖ ﺍﻧﺎ ﻋﺼﺒﻲ
ﻭﺻﻮﺗﻲ ﺳﺎﺑﻖ ﻟﻐﻀﺒﻲ
ﻟﻜﻨﻚ ﻋﻠﻲ ﺳﺒﺒﺔ ﻣﺪﻭﺭﺗﻴﺶ
ﺯﻋﻠﺘﻲ ﻭﻫﺠﺮﺗﻲ ﻭﻣﻌﺎﺗﺒﺘﻴﺶ
ﻭﻣﻔﻬﻤﺘﻴﺶ أﻧﺎ ﻏﻴﺮﺗﻲ ﺯﻱ ﺍﻟﻬﻴﺶ
ﺷﺮﺍﺭﺓ ﻧﺎﺭ ﺗﻮﻟﻊ ﻓﻴﻬﺎ ﻣﺒﺘﻄﻔﻴﺶ
ﻣﺎ ﻗﻠﺘﻠﻚ أﻧﺎ ﺭﻏﻴﺮﻫﻢ
ﻟﻜﻦ ﻗﻠﺒﻲ ﻋﻤﺮﺓ ﻣﺎ ﺷﺎﻝ
ﻭﻛﻞ ﻣﺎ ﻓﻴﺔ ﻛﻼﻡ ﻳﺘﻘﺎﻝ
ﻭإﻥ ﻛﺎﻥ ﺍﻟﻌﺘﺎﺏ ﺳﺒﺐ ﺳﺨﻄﻚ
ﻓﺪه ﻳﻤﻜﻦ ﻋﺸﺎﻥ ﺭﺍﺣﺔ ﺍﻟﺒﺎﻝ
ﻭﻛﻞ ﻛﻼﻣﻚ ﻣﺎ ﻳﻌﻨﻴﻨﻲ
لأﻧﻚ ﻟﺴﺔ ﻣﺎ ﻋﺮﻓﺘﻴﻨﻲ
أﻧﺎ ﺍﻟﺒﺎﻗﻲ ﻋﻠﻲ ﺍﻟﺒﺎﻗﻲ ﻉ ﺳﻨﻴﻨﻲ
ﺭﺣﻴﻠﻚ ﺭﻏﺒﺔ ﺑﺘﺮﻓﺮﻑ ﻋﻠﻲ ﻋﻘﻠﻚ
ﻭأﻧﺎ ﻣﺴﺎﻣﺢ ﻭﻣﺶ ﻇﺎﻟﻤﻚ
ﻫﺎﻣﺸﻲ ﻭﻫﺘﻤﺸﻲ ﺑﺲ ﻣﺘﺒﺼﻴﺶ
ﻭﺭﺍ ﺿﻬﺮﻙ
لأﻧﻚ ﻣﺶ ﻫﺘﺸﻮﻓﻲ ﻏﻴﺮ ﺿﻠﻚ
ﻭﻗﻠﺘﻠﻚ أﻧﺎ ﻏﻴﺮﻫﻢ
