بالصور| انقطاع المياه في "الهرم" 22 ساعة

اشتكى عدد من سكان "الهرم" في محافظة الجيزة من طول فترات انقطاع المياه بالمنطقة، والتي تصل إلى 22 ساعة يوميًا، حيث يتواصل انقطاع المياه من التاسعة صباحًا حتى السابعة صباحًا من اليوم التالي. ومن جانبهم لجأ بعض الأهالي إلى شراء "الخزانات" للتغلب على مشكلة الانقطاع المستمر، وقام آخرون بتقديم شكاوى لشركة مياه الشرب، فرد المسؤولون بأن الأزمة ستظل قائمة لمدة شهرين لحين جلب "مواسير مياه" جديدة من مدينة السادس من أكتوبر.[SecondImage] وفي السياق قالت "أم شهد"، إحدى سكان بمنطقة الهرم: "المية مش بتيجي غير ساعتين في اليوم، والخزان بـ5 آلاف جنيه، وإحنا مش لاقيين ناكل، هانجيب منين"، وتابعت: "يعني مفيش ميه ولا كهرباء ولا شغل، ولما قدمنا شكوى، محدش سأل فينا، وقالولنا إن الموضوع هايستمر شهرين عشان هايجيبوا مواسير من أكتوبر". وأضافت: "مش عارفين هانعمل إيه في رمضان، إحنا مش طالبين غير الرحمة بس، أنا عندي 6 عيال هعمل إيه".[ThirdImage]