الإخوان يوزعون ملصقات «مرسى يهنئكم برمضان».. و«طمان» يرد عليهم «بالجردل والفرشة»

«محمد مرسى، الرئيس الشرعى لمصر، يهنئكم بحلول شهر رمضان، كل عام وأنتم بخير»، جملة تتوسط ملصقات انتشرت بكثافة بين أهالى مدينة كفر الشيخ، لا يقوى أحد على الاقتراب منها خشية أن يمسهم الضرر من أنصار الإخوان، إلا واحداً قرر أن يحاربهم بنفس الوسيلة فلم يلجأ إلى تمزيقها حتى لا تترك أثراً على الجدران، لكنه واجهها بـ«جردل وفرشة». لم يهتم محمود طمان، بلافتات التهنئة بشهر رمضان التى يحملها أنصار الجماعة فى مسيراتهم، لكنه يغضب كلما يراها ملصقة على جدران مدينته: «يوم الجمعة اللى قبل رمضان نزلوا بيها فى الشارع وفضلوا يهتفوا رمضان أحلى مع مرسى ومحدش كلمهم وانا ماهتمتش، بس لما علقوها على الحيطة قررت انى أمسح ملامحها نهائى عشان مايفضلوش مصدقين نفسهم مع سكوت الجيران عليهم»، مضيفاً: «التفجيرات اللى بقت تحصل يوم ورا التانى مخوفة الناس عندنا تتكلم، والإخوان كل يوم بعد الفطار ينزلوا يهنوا نفسهم على رمضان وان مرسى راجع». قرر الشاب العشرينى أن يلتقط صورة لإحدى السيدات التى تحمل لافتات التهنئة فى مسيرات أنصار الإخوان، حتى يلقى الضوء على الخطر الذى يهدد أطفال مدينته: «اللى على الحيطة قررت امسحه تماماً ومحدش منهم بيقدر يعلقها تانى، بس المشكلة فى اللى بيمشوا بيها فى الشوارع وسط الناس والأطفال، وكمان بقوا ينزلوا بورقة هل صليت على النبى اليوم فى أى مسيرة ليهم»، مشيراً: «صوّرتهم عشان أثبت إنهم قاصدين يقسمونا ويشتتوا العيال، الأطفال عندنا فى المنطقة بقوا مش عارفين السيسى الرئيس دلوقتى ولا مرسى المسجون اللى بيشوفوه فى التليفزيون، عشان كده نزلت ودهنت كل الحيطان من بوسترات التهنئة اللى حطوها، وهفضل وراهم لحد ما يرجعوا فى الجحور من تانى».