تهنئة رمضان تأتيكم هذا العام برعاية "الشرطة المصرية"

المار من بعيد يحسبها لافتة عادية، لكن كلما يدنو منها يكتشف أنها لافتة صنعها أفراد أمن وضباط شرطة منطقة المعادي، لتهنئة الأهالي والشعب بشهر رمضان، أملًا في استعادة الثقة بين المواطن ورجال الشرطة التي حاول أنصار جماعة الاخوان تشويهها، ما اعتبرها الأهالي حدثًا فريدًا من نوعه. ترفرف في السماء، تحمل رسالة مهمة ومختلفة عن غيرها، تبرز عن بعد وسط نخلتين بميدان بورسعيد بحي المعادي، فهي لافتة بحجم كبير تحمل برقية تهنئة علقها محمد سيف الدين، أحد أفراد الأمن بقسم المعادي وزملائه بحلول شهر رمضان، "إحنا أول مره نعلق أي لافتة تخص أي مناسبة في المنطقة، بس السنة دي قررنا نلم من بعض ونعملها بنفسنا ونعلقها في الميدان اللي قدام القسم عشان حسينا بقيمتنا"، مضيفًا "كل اللي يهمنا إننا نحمي المواطن في أي مكان، ومن أول الشهر الكريم قررنا إننا نشارك أي فرحة تعدي على البلد بلافتات، عشان إحنا عندنا أوامر بالصمت وعدم الكلام في أي شئ غير التأمين".[SecondImage] حالة من السعادة والفرحة، انتابت عمرو أمين وجيرانه بالمنطقة، بمجرد رؤيتهم للافتة التهنئة من أفراد الشرطة، "بقالي 50 سنة ساكن جنب قسم المعادي وعمري ما شفت حاجة وحشة منهم، وأول ما شفت البوستر اللي علقوه فرحت جدًا وحسيت إنهم بيردوا على الإخوان في المنطقة اللي حاولوا كتير يفرقوا بينا"، مشيرًا "3 سنين عدوا علينا من ثورة 25 يناير والإخوان حاولوا يهجموا على القسم أكتر من مرة، وفي كل مسيرة ليهم بيحاولوا يقسموا ما بينا وبينهم بس هما أقل مننا بكتير، واللافتة دي أكبر رد للإخوان إن الجيش والشرطة والشعب دايمًا إيد واحدة واللي داخل ما بينا خسران".