مسابقة إفطار جماعي بـ"الربع".. وأسوأ "طبق" يقدم لـ "القطة موحة"

"هات حلتك معاك وأنت جاي"، شعار مرح رفعه القائمون على مركز "الربع" الثقافي في منطقة الحسين، حيث يقيمون حفل إفطار جماعي، يشارك فيه الحاضرون بوجبات يقومون بطهيها شخصيًا، حيث يصوت الحاضرون في نهاية الإفطار على أفضل طبق، أما أسوأ طبق، فسوف يذهب لـ "القطة موحة". على طاولة ضخمة، يوضع الطعام، يوم 26 يوليو الجاري، بحيث تحمل كل أكله اسم صاحبها "كل واحد ياخد اللي عايزه، مش عايزين كسوف، واللي مابيتكسفش بلاش تحتكر الأكل، وأسوأ أكلة من نصيب القطة موحا، والفوار علينا" هكذا توجه إيمان صبحي، أحد القائمين على إدارة الربع، رسالتها للمشاركين في الإفطار الجماعي. "طبعا احنا بنهزر أكيد مش هانحط أسوأ أكل لموحة، دي غالية علينا كلنا" تتحدث إيمان عن القطة الضالة، التي تسكن الربع ولا تخرج منه أبدًا "لاحظنا إنها موجودة باستمرار، على طول حولينا، وباستمرار تعدي في أهم الفعاليات، بقينا نعتبرها واحدة مننا خلاص، بتاكل معانا وتشرب، بصراحة قطة غريبة جدًا، لكن كلنا بنحبها". لا تفكر إيمان أو أحد من القائمين على الربع، في دمج "موحة" في فقرات المكان الفنية، أو تدريبها "هي قطة جبانة جدًا، وبتخاف من الناس، لكنها طيبة وأليفة مع المكان بشكل غريب، وجودها في حد ذاته شيء جميل ومش مطلوب منها أكتر من كدا". المركز الثقافي الذي يقدم عقب تناول الطعام، فقرات فنية من إنشاد وغناء وعزف، يتخذ من الطعام بداية للتعارف "مش لازم الناس اللي جاية تكون بتعرف بعض، الهدف هو التعارف، ومحاولة دمج الناس اللي ما بتخرجش خالص إنهم يشوفوا جو جديد، بيتي جدًا، صحيح هايكون في أكتره نواشف، لكنه في النهاية مش وجبات تجارية جاهزة، مفيهاش روح".