مؤلف "الصياد": "سيف ما بيتخيلش.. والمسلسل له نهاية غير إنه بيحلم"

حسم عمرو سمير عاطف، مؤلف مسلسل الصياد، أمر بطل المسلسل، ورد على السؤال المتداول واهتمام المشاهدين بأمر "الصياد"، مؤكدًا "سيف ما بيتخيلش والمسلسل بيحصل فعلًا". وقال مؤلف "الصياد"، عبر حسابه الشخصي على "فيس بوك"، "الموضوع وصل لدرجة إن الناس بتكلمني في التليفون بمعدل مكالمتين في الدقيقة، وأنا طبعًا سعيد جدًا جدًا جدًا بالاهتمام ده، بس بجد الموضوع بقى مزعج من ناحية إن فيه ناس بجد صعبانين عليا، من كتر ما بيفكروا في الموضوع". وأضاف عاطف، "لكل محبي المسلسل، سيف ما بيتخيلش ولا حاجة والمسلسل بيحصل فعلا، وله نهاية غير إطلاقًا أنه يكون بيحلم أو بيتخيل.. نرتاح بقى؟". مسلسل الصياد، بطولة يوسف الشريف، وأحمد صفوت، ودينا فؤاد، ومي سليم، وتأليف عمرو سمير عاطف، وإخراج أحمد مدحت.