البيتزا
«البيتزا» من أكثر الوجبات السريعة التي يفضلها الكثيرون سواء الكبار أو الصغار، لكن ربما لا يعلم البعض تعرضه لأضرار خطيرة في بعض الحالات.
الدكتور محمد الحوفي أستاذ علوم الأغذية، شرح لـ«الوطن»، أن البيتزا تحتوي على دهون كثيرة، سواء في العجينة أو في الموزريلا، التي تعد من ضمن المكونات الأساسية، أي أن الأشخاص الذين يحاولون فقدان الوزن يجب الابتعاد عنها: «البيتزا الحجم الكبير بتحتوي على 1500 سعر حراري تقريبا يعني احتياج الشخص في اليوم كله ودلوقتي في ناس ممكن تاكل لوحدها الأحجام الكبيرة، فطبيعي وزنه هيزيد»، وفقا لوصفه.
وحذر الحوفي، من طلب البيتزا أو الفطيرة التي تحتوي على الجبنة الرومي وخاصة من الأماكن غير الموثوق بها أو التي تكون أسعارها رخيصة: «العربيات أو محلات الرخيصة بيستخدموا جبنة سيئة كلهم بيجيبوا عوريات الجبنة الرومي الحروف دي اللي بتتشال بياخدوها من المصانع، وقشرة الجبنة دي ممكن يبقى عليها عفن وفيها تكسينات سامة».
واستكمل الحوفي حديثه: «وعملية خبز الفطيرة أو البيتزا مش بيقتل التكسين وهي مادة سامة لأنها بتتحمل الحرارة وبيتجمع في الكبد وبعد فترة مع مرور السنين الكبد يتعب في أعمار مبكرة والكبد مهم لأنه بينقي الدم من كل السموم اللي فيه».
كما حذر أستاذ علوم الأغذية من العجيبة في حالة عدم تسويتها جيدا: «ساعات العجينة التخينة مبتستويش أوي وخاصة الجزء الملامس للمكونات اللي عليها وفترة تسوية البيتزا مش كبيرة ولو جزء من العجينة ناية بيبقى منتهى الخطورة لأن الميكروبات بتكون مممتش وعشان كده ناس تجيلها إسهال من التلوث الميكروبي الموجود في العجينة».
ونصح الحوفي بتناول العجينة الإيطالي الرقيقة أفضل من السميكة لأنها تكون مضمونة بشكل أكبر بسبب تسويتها جيدا: «والتخينة لو مش مستوية هيبقى في مشكلة تلوث وتسمم وبعض ميكروبات التسمم الغذائي والسم ده ممكن يبقى بتركيزات قليلة متظهرش أعراضه على طول ولكن مع الوقت وتكرارها السم ده يبدأ يتجمع في الكبد ويعمل مشكلة».
تعليقات الفيسبوك