سكان «الرحاب»: «المياه مقطوعة.. والشوارع غرقانة»

«مش لاقى نقطة ميَّه فى بيتى، والماسورة ضاربة فى الشارع ومغرقاه»، هكذا حال عصام فراج وسكان مدينة الرحاب منذ 3 أشهر، انقطعت المياه دون الرجوع إلا ساعة واحدة فقط فى اليوم، يمر يوم تلو الآخر ويصبحون كما أمسوا، «ولا الميَّه رجعت ولا الماسورة وقفت». محاولات الرجل الأربعينى وجيرانه مع جهاز المدينة فى الإبلاغ عن انقطاع المياه بمنطقتهم باءت بالفشل، «ماحدش بيقول حاجة، كل ما نتكلم عشان نعرف السبب يقولوا المواسير اتكسرت وبنصلحها، ولحد دلوقتى مفيش عامل واحد لقيته بيصلح حاجة، والمواسير زى ما هى ضاربة فى الشارع، والميَّه قاطعة فى البيوت»، حالة من المعاناة يعيشها يومياً «عصام» وأسرته، «الميَّه بتيجى ساعة بعد الفجر ومابنلحقش نملا ميَّه نستحمى بيها، بنفضل طول اليوم عايشين على اللى بنشتريها وفين وفين لما نلحق الميَّه اللى بتيجى عشان نستحمى، والميَّه فى الشارع بندوس عليها برجلينا».