السيسي للمسؤولين: مبقاش ينفع نتعامل مع تعديات البناء باستهانة
الرئيس: المناطق غير المخططة تتطلب من الدولة أموالا ضخمة
الرئيس السيسي
قال الرئيس عبدالفتاح السيسي، إن الدولة تبذل جهودا كبيرة في تطوير المناطق العشوائية التي تستنزف الكثير من الأموال الاستثمارات، «وإحنا بنشتغل في المناطق اللي كان فيها سكن غير مخطط بنضطر ندفع أموال ضخمة جدا وبغير سكن الناس اللي موجودة بقالها سنين طويلة جدا علشان نفتح طرق للناس».
وأضاف الرئيس خلال كلمته بالندوة التثقيفية الثالثة والثلاثين للقوات المسلحة بمناسبة يوم الشهيد، موجها حديثه للمسؤولين: «من فضلكم عملية البناء والسيطرة عليه مبقاش دلوقتي ينفع نتعامل معاه بالاستهانة والاستهتار والطمع اللي كان موجود قبل كدا».
وتابع: «بقول لكل مؤسسات الدولة مش بس الإعلاميين والمثقفين ورجال الدين وأجهزة الدولة، مصر فيها 100 مليون، ومصر مساحتها مليون كيلو متر مربع، وفي حجم ضخم جدا من الأراضي إحنا مش عايشين عليه، ومحسورين في الوادي والدلتا من أول أسوان لإسكندرية وما أخدناش بالنا إنه الكلام ده هيبقى ليه تأثير كبير على حياتنا ومستقبلنا، وأتصور إننا محتاجين نخلي بالنا ونحرص على طل فدان وقيراط أرض زراعية ما يتمش التعدي عليه، وكل أجهزة الدولة».
يشهد الرئيس عبدالفتاح السيسي صباح اليوم الثلاثاء الموافق 9 مارس 2021، فعاليات الندوة التثقيفية الثالثة والثلاثين للقوات المسلحة بعنوان «لولاهم ما كنا هنا» بمناسبة الاحتفال بيوم الشهيد، وذلك بمركز المنارة الدولي للمؤتمرات بالتجمع الخامس بالقاهرة الجديدة.