إرهابي تائب: حسيت إني في الطريق الغلط.. قلت لقريبي سلمني
أحد العناصر الإرهابية
شهدت الندوة التثقيفية الثالثة والثلاثين للقوات المسلحة بمناسبة يوم الشهيد، والتي حضرها الرئيس عبدالفتاح السيسي، وكبار رجال الدولة إذاعة تسجيلات اعترافات لبعض العناصر الإرهابية التي ارتدت عن طريق الضلال وسلمت نفسها للقوات المسلحة، بعد تأكّدهم أنهَّم يسيرون على طريق الضلال.
وقال أحد العناصر الإرهابية: «أخدت دورة إعداد مقاتل 8 أيام، وسلموني عربية تايلاندي سلاح تقيل، لكن أول ماحسيت إني بصراحة ماشي في الطريق الغلط أيام مسجد الروضة وقتل المصلين بصلاة الجمعة، فقولت الناس دول مصلين ومعندهومش حاجة غلط، يعني لو إنسان طبيعي مش مصلي وجاءك مصلي، تقتلوه ليه».
وأضاف: «راحوا للناس في قرية الظهيرة، خدوا منهم لامؤاخذة البهايم والحمير والحاجات دي.. خدوهم من غير وجه حق فقلت إحنا ماشيين في الطريق الغلط وأنا بصراحة ممعيش محو أمية ومبعرفش أقرأ ولا أكتب، وبقالي 6 سنين في التنظيم مفهمتش حاجة، ولا هما فهمونا ولا إحنا رشدنا العالم زي مابيقولوا.. ولا واحد فيهم هدانا».
وتابع: «وفضلت في المقاطعة وربنا كرمني وعرفت أتواصل مع حد من قرايبي يوصلني لأقرب كمين، واتفتشت ودخلوني جوة وقعدوني وجابولي شاي وقالولنا الحمد لله على السلامة».