محل ملابس يمنع الدخول بالأحذية
قواعد صارمة وضعها أمام زبائنه، إذ يمنع دخولهم بالأحذية، ويطلب من مرتاديه خلعها أمام بوابة المحل، بهدف الحفاظ على نظافته والمساهمة في عدم تفشي الأوبئة والميكروبات التي تحملها الأحذية، هذه هي القواعد التي أقرها أحد محال الملابس للسيدات والرجال بمنطقة عين شمس الشرقية.
محمد علاء، صاحب المحل، يضع عدة قواعد لدخوله، وهي خلع الأحذية، وارتداء الكمامة، ووضع لافتة تقول «نعتذر.. خلع الأحذية للنظافة العامة»، ورغم غرابة قواعده إلا أن الزبائن يلتزمون بها، ويقومون بخلع الحذاء قبل دخول المحل: «لو في حد مش واخد باله من اليافطة ودخل بالجزمة بتاعته بقوله له سمحت أخرج بره إقلع الجزمة وأدخل تاني، والحقيقة الناس متعاونة جدا وبتطلع تقلع الجزمة فعلا وتدخل تاني» بحسب «محمد».
وقد بدأ المحل في تطبيق هذه القواعد منذ أكثر من عام، وتقريبا بالتزامن مع انتشار فيروس كورونا: «حتى لما الفيروس خف شوية والأعداد بدأت تقل خلاص سواء في الموجة الأولى أو الثانية برضه لأ، مصمم أن الناس تقلع الجزمة بتاعتهم عشان بحافظ على نظافة المكان كمان أنا فارش سجاد ومش حابب أنه يتبهدل».
أقرأ أيضاً.. «أحمد» يرهن «جزمة» صديقه في اللجنة: عشان يغششني في الامتحان
وتقديرا من «محمد» لاستجابة الزبائن لطلبه بخلع الأحذية، يقوم بفرش سجاد نظيف وراقٍ ويحرص على نظافته باستمرار، «احتراما للناس اللي بتسمع الكلام وماعترضتش على خلع الجزم بتاعتها، بانضف السجاد أولا بأول، ومافيش ذرة تراب ممكن تبقى على الأرض وبيتكنس ويتغسل طول الوقت وعلى طول ريحة المكان نضيفة جدا».
ويضيف صاحب المحل، أنه يقوم بتعقيم أيدي زائري المكان باستمرار وتنظيفها: «في واحد شغال معانا ده واقف على بوابة المحل طول اليوم ومهمته إن اللي داخل بيحط على أيده معقم وهاند جيل وبينصح اللي داخلين أنهم يلبسوا الكمامات على طول عشان الفيروس: «من ضمن القواعد اللي يحرص على أنها تمشي في المكان والكل يلتزم بها وأنا أولهم أن يكون في تباعد بمعنى أن ميكونش في زحمة على المكان حتى لو الناس هيقف بره شوية»، ورغم هذه القواعد الشديدة إلا أن الزبائن تتزاحم على المكان باستمرار بسبب الأسعار الرخيصة التي يقدمها طوال السنة.
تعليقات الفيسبوك