مدبولي: الرئيس السيسي ينتمي لـ«القاهرة التاريخية».. «منطقة عزيزة عليه»
الدكتور مصطفى مدبولي
قال رئيس الوزراء مصطفى مدبولي، إنه يعز عليه تدهور منطقة «القاهرة التاريخية» وفقد قيمتها وضياع تاريخها، مضيفا «كمان الرئيس عبدالفتاح السيسي ينتمي لهذه المنطقة العزيزة جدا، وهو حريص كل الحرص على تطوير المنطقة مع تطوير كل المناطق بمصر».
وأضاف «مدبولي»، في تصريحات له على هامش زيارته إلى منطقة القاهرة التاريخية، اليوم، «اتبنت فيها عشوائيات والبيوت الجميلة اتهدت واتبنى مكانها عمارات مسلحة ووجدنا الأنشطة الحرفية اللي كانت بتميز المنطقة بتموت وتختفي وبيطلع مكانها محلات، ولذلك الدولة كان لازم تبدأ تطور المنطقة، والرئيس والحكومة ناقشنا في اجتماعات كتير هنعمل إيه في المنطقة، والدولة داخلة تطور ومش عاوزة تهجر حد، الدولة عاوزة تحافظ على البقية الباقية من المنطقة من آثار ومباني وحرف قديمة وهدفنا نرجع قيمة الحرف القديمة تاني ونرجع الناس تيجي تزور المنطقة دي اللي عمالين نفقدها».