طالبة تنشر فيديو لتحرش شاب بها داخل ميكروباص بالشرقية: «خدت حقي بإيدي»
طالبة تنشر فيديو لتحرش شاب بها داخل ميكروباص بالشرقية: «خدت حقي بإيدي»
نشرت فتاة تدعى أسما إبراهيم، مقطعا مصورا عبر صفحتها على «فيس بوك» يظهر قيام شاب بالتحرش بها جسديا خلال استقلالها ميكروباص أثناء عودتها من الجامعة بمدينة الزقازيق محافظة الشرقية.
وقالت الفتاة في تدوينة نشرتها عبر صفحتها الشخصية على «فيسبوك»، اليوم الأحد: «راجعة من الكلية زي كل يوم ركبت سيرفيس ولبسي مش مُلفت ومغطيني الحمد لله ركب جنبي واحد قد أبويا ومش هقول عليه راجل لأنه مثال للإنسان(..)»
فتاة الشرقية تروي تفاصيل التحرش بها
وتابعت الفتاة: «من أول الطريق ألاقي حركات مش لطيفة خالص أقول مثلا غصب عنه ولا حاجة شغلت كاميرتي استنيت بس يكون معايا دليل إثبات علشان محدش يقولي بتتبلي عليه من الأشكال اللي زيه».
واستكملت: «بأكبر قوة فيا وزقيته لبرا وضربته وشتمته إني ألاقي راجل نطق، كله بيتفرج، مع العلم إن السيرفيس كان كله رجالة حرفيا محدش اتحرك من مكانه كان ممكن أخده وأعمل محضر تحرش أحبسه فيها بس فكرت مراته وعياله ذنبهم إيه، المهم إني خدت حقي وشكرا للرجالة اللي معملتش أي حاجة أنا بـ 100 راجل منهم.. كان نفسي أصوَّره بس كان كل اللي يهمني إني آخد حقي بإيدي.. وحسبي الله ونعم الوكيل».
وقالت الفتاة في تصريح خاص لـ«الوطن»، إنها أثناء عودتها من كلية التجارة بجامعة الزقازيق، تحرش بها المتهم جسديا، مؤكدة أنها انتظرت قليلة لحين إثبات ذلك عبر الكاميرا ثم قامت بلكمه»، واستكملت الفتاة: «أنها أصرت على تصويره حتى لا يدعي أنه لم يقم بالتحرش بها، ثم قامت بلكمه عدة لكمات مستمرة حتى هرب من السيارة مسرعًا»، لافتا إلى أن كل الموجودين في الميكروباص لم يتدخلوا أو يحاولوا مساعدتها أو الإمساك بالمتهم.
واختتمت الفتاة: «رفضت أن أذهب به إلى قسم الشرطة خشية على أسرته، لكنني سعيدة أنني حصلت على حقي بيدي».
