أحداث مسلسل «حلوة الدنيا سكر» الحلقة 22 لهنا الزاهد
هنا الزاهد
تصدرت الفنانة هنا الزاهد، «تريند» مواقع التواصل الاجتماعي، بمجرد عرض الحلقة الجديد «22» من مسلسل «حلوة الدنيا سكر»، على شاشة قناة «دي إم سي»، حيث تحمل الحلقات المعروضة في الوقت الحالي اسم «9 خطوات لقلب الرجل» ويشارك في بطولة القصة محمد الشرنوبي.
وأحداث الحلقة «22» دارت في إطار محاولة هنا الزاهد لإيقاع محمد الشرنوبي، ونجحت خلال الحلقة في إيقاعه من خلال خطة وضعتها، ونجحت في تنفيذها.
ولاقت هنا الزاهد ردود فعل كبيرة من قبل المتابعين وصناع السينما، وكان أول المشجعين لها زوجها أحمد فهمي، الذي كتب على السوشيال ميديا: «مش بكتب دا كزوج، والله مش هجامل فى حرف.. بكتبة كممثل ومؤلف ليا تجارب في الشغلانة دى.. بعد مشاهدة جميع حلقات حلوة الدنيا سكر، فعلا فخور بالعمل دا بعيدا عن نجاحه اللي أسعدنى جدا جدا.. اطمنت على التطور يا هنا اللي من عمل للتاني.. وعلى إن ممثلة في سنك ومشوار لسة في أوله تشيلي عمل فني كامل صعب جدا ومتنوع بالحرفية دي.. دا مخليني مطمن على اللي جاي أكتر».
وأضاف فهمي: «عايز أراهنك زي ما راهنتك على اللي بيحصل دلوقتي إن السنتين تلاتة اللي جايين بتوعك تماما بس أهم حاجة متبصيش تحت رجلك وركزي في فيلمك اللي جاي عشان السينما خطوة صعبة خصوصا البطولة المطلقة (فيلم ساشا).. وربنا يحميكي من أي حاجة وحشة ومن أي ناس وحشة تحت رجليكي.. حاجة تانية مهمة ببارك لأخويا اللي أنا مطلع عينه المنتج كريم أبو ذكري اللي كل مشواره من ساعة ما بدا نجاحات، وكان ليا الشرف إن البداية كانت معايا في الفرنجة.. أما خالد الحلفاوي فدا موضوع كبير وأتمنى في يوم من الأيام أتشرف بالشغل معاه.. كل الشكر لكل صناع هذا العمل وكل الشكر لشركة سينرجى».