أشرف زكي: الأيادي الخفية تحارب الفنانين.. نصيبنا من الشائعات كبير جدا
الدكتور أشرف زكي، نقيب المهن التمثيلية
استنكر الدكتور أشرف زكي، نقيب المهن التمثيلية، كثرة الشائعات حول مجال الفن خلال الفترات الأخيرة، «الشائعات دي بتعمل لينا ربكة وبتاخد من وقتنا، إحنا المجال الوحيد اللي نصيبه من الشائعات كتير جدًا جدًا، ده بيربكنا، يعني مثلا بيقولوا فلان مات، طب ليه الشائعات دي، فيه أيدي خفية تُحارب الفنانين والنقابات الفنية لضرب مصالح أعضائها».
وأضاف «زكي»، خلال حواره في برنامج «السؤال الصعب»، الذي يُعرض على شاشة «سكاي نيوز عربية»، أن أعداء الفنانين معروفين، وهم يعيشون في الظلام، «فيه قنوات بتحاربنا وتّسب الفنانين، مش وراها حاجة غير الفنانين، بس عمر ما كان الإعلاميين أو الصحفيين ضدنا، إحنا وجهين لعملة واحدة، لولا الصحفيين والإعلاميين لم نكن في هذه المكانة».
وأشار نقيب المهن التمثيلية، إلى أنه يتحدث عن ما وصفهم بـ«طيور الظلام»، وهم الذين فروا هاربين من الدولة وأصبحوا يتصيدون الفنانين ويسعون لتشويه الفن المصري، كونهم يتفهمون جيدًا خطورة القوى الناعمة، موضحًا في الوقت ذاته أن موهبة الفنان تفرض نفسها، «مش كل اللي ليهم أقارب في الوسط الفني يبقوا لازم يبقوا فنانين وموهوبين، بس فيه مواهب».
وتابع: «لو أخدنا مثال الفنان كريم عبد العزيز أو الفنان أحمد السقا هل نذكر أنهم اشتغلوا عشان أبوهم في المجال الفني ولا عشان نجومية وموهبة كريم عبد العزيز والسقا فرضت نفسها، والعديد من الأجيال والشباب الجداد فرضوا نفسهم، مسلسل الاختيار السنة اللي فاتت كان فيه عدد كبير جدا من الشباب فرضوا أنفهسم أبطال».
وواصل: «البطل مش لازم يبقى نجم الأفيش، يمكن بطل في دوره، المعهد العالي للفنون المسرحية لعب دور كبير جدا قدرنا من خلال المهرجانات التعرف على الأجيال الجديدة، وأتاح فرص كبيرة جدا، مسلسل لؤلؤ كان فيه بطلة جديدة مع مي عمر اسمها هدير عبد الناصر، من المعهد، مسلسل الاختيار 2 اللي إحنا منتظرينه هنشوف فيه أجيال خارجة من النقابة أو من معهد الفنون المسرحية».