السيسي يستجيب لحالة مصاب بشلل وضمور في العضلات ويوجه بعلاجه
السيسي يستجيب لحالة مصاب بشلل وضمور في العضلات ويوجه بعلاجه
استجاب الرئيس عبدالفتاح السيسي، لحالة إنسانية لشاب يُدعى محمد، يبلغ من العمر 29 عامًا، مُصاب بشلل وضمور في العضلات، ووجه بعلاج حالته على نفقة الدولة استجابة لطلبات والدة الشاب.
وأعلنت الإعلامية عزة مصطفى، استجابة الرئيس لحالة إنسانية الشاب يُدعي محمد المُصاب بشلل وضمور في العضلات، وذلك بعد عرض حالته في برنامج «صالة التحرير»، الذي يُعرض على شاشة «صدى البلد»، حيث أعلنت أن الرئيس استجاب لطلبات والدة الشباب لعلاجه على نفقة الدولة.
وقالت الحاجة «سعاد»، والدة الشاب، إن نجلها مُحمد ولد مُصاب بضمور في المخ والأعصاب، «جريت بيه على مستشفى أبو الريش، ومستشفى شلل الأطفال في إمبابة، محمد مش بيعرف يقضي حاجته بنفسه، ولا يقدر يعمل أي حاجة، لا ياكل ولا يشرب، أخته اللي بتيجي تغير له وتعمل له فطار وتدخله الحمام، وتعمله الغداء وتمشي».
وأضافت «سعاد»: «أنا مركبة مفصل في رجلي، مش بعرف أعمل اي حاجة، ده أنا بدخل الحمام بالعافية، ولا بعرف ادخل المطبخ، احنا قاعدين في شقة إيجار بـ700 جنيه، وبندفع كمان مياه ونور، حالتنا صعبة أوي»، ودخلت في نوبة من البكاء: «الحمد لله إحنا حمدين ربنا وشاكرينه، ربنا يشفي كل مريض ويخلي كل الناس الحلوة يارب».
وأوضحت أنها كانت تخدم نجلها وهي بحالة صحية جيدة، «دلوقتي مش بعرف أقوم أخدمه، حتى علاجه بنادي على أي حد في الشارع يجيبه، أحيانا يجيله صرع بنادي على اللي في الشارع ياخدوه يودوه المستشفى بيدوله حقنه ويرجعوه تاني، عاوزين حد يرعاه، حد ياخده ويرعاه في أي دار في أي حته، ولو مش هتفهموا كلامه خدوني معاه أقعد معاه»
وتابعت: «خدوه أي دار وخدوني معاه أنا أأكله وأشربه، أي حد يعملي اي حاجة، عشان خاطر محمد، أن نا لو جرالي حاجة مش عارفة أعمل اية، مش هنام في تربتي مرتاحة معرفش هو يعمل اية لو حصلي حاجة»، فيما أعلنت الإعلامية عزة مصطفى استجابة فورية من الرئيس السيسي لحالة محمد، «ربنا يعز سيادتك يا ريس زي ما انت بتعز الناس وشايفهم وسامعهم، ربنا ينصرك، انت بتحس بيهم وتلبي طلباتهم».
