سيدة التروسيكل بعد استجابة السيسي: عندي عيد من امبارح
سيدة التروسيكل بعد استجابة السيسي: عندي عيد من امبارح
أعربت السيدة ناهد جمال سعيد، المعروفة بـ«سيدة التروسيكل»، بإشادة الرئيس عبدالفتاح السيسي، وتكفل بحالتها أمس، «عندي عيد من امبارح»، موضحة أنها كانت تعمل في غسيل السيارات عندما تركها زوجها، وأصبحت بمفردها ترعى الـ5 فتيات، «لاقيت الناس بترخم عليا، قولتلهم أنا معايا بنات، خوف على نفسي وخوفت على بناتي، تركت مكاني وقعدت في بشتيل».
وأضافت «سعيد»، خلال تقرير عرضه برنامج «من مصر»، مع الإعلامي عمرو خليل، على شاشة «CBC»، أنها ظلت تبحث عن عمل ولم تجد، «فيه جار لينا كان جايب تروسيكل، هو موظف، قالي خديه وكملي القسط بتاعه، فرحت أوي، ابن جاري علمني على التروسيكل، بقيت أخرج، مرة يكون فيه شغل، ومرة ميبقاش فيه».
وأشارت سيدة التروسيكل، إلى أنها تحمد لله على حالها، «لحد دلوقتي حاسة أني بحلم، من قبل ما الرئيس عبد الفتاح السيسي ما يكلمني وأنا بحبة وبدعيله من قلبي قبل أي حاجة، ربنا يوقفة معانا ومع الغلابة اللي زيي»، موضحة أنها ليست متعلمة لكنها تُحب التعليم، «كان نفسي أتعلم، بس الحمد لله، بنتي الكبيرة أول ما دخلتها المدرسة قولتلها اللي كنت عاوزه أشوفه في نفسي عاوزه أشوفه فيكي».
فيما قال محافظ الجيزة اللواء أحمد راشد، إن السيدة كانت تطلب كُشك، «إحنا وفرنا ليها محل عشان يبقى ملائم لها في عملها، ولما بحثنا لاقيناها مقيمة شقة قانون جديد، وفرنا على الفور لها شقة قريبة من المحل عشان يبقى جنب شغلها، وفي نفس المنطقة اللي هي كانت عايشة فيها في اطار تكليف رئيس الجمهورية بالاهتمام بحياة المواطن يوميا وتقديم كافة الخدمات ليه».
