"نجوى" شاركت في اعتصام النهضة: "ندمانة إني صدقتهم"

45 يومًا، تتذكرها "نجوى" وأسرتها بحسرة حين قضوها في اعتصام النهضة، فهذه "الأيام السوداء" بالنسبة لهم ليست سوى ذكريات أليمة، عاشتها السيدة الأربعينية وعائلتها وسط أنصار جماعة الإخوان في محاولة لتحسين معيشتهم البسيطة، "وقتها مكناش لاقين اللقمة غير عندهم، بس دلوقتي ربنا ما يعودها أيام". بحزن شديد، تتذكر "نجوى" أيامها في "النهضة" بعد مرور عام على فض الاعتصام، ففقرها وحاجتها هما ما أجبراها على المعيشة وسط "الإرهابيين"، حسب قولها، وهو ما لم تكن تدركه حينها "جوزي على باب الله وعندي 4 عيال، ووقتها مكنش في أي مصدر رزق غير في الاعتصام، كانوا بيأكلونا ويشربونا وفي الآخر بنلاقي نومة كويسة، بس مكنتش أعرف إنهم بيخربوا البلد وورا كل مصيبة بتحصل"، مضيفة "فضلت مع جوزي والعيال قاعدين واكلين شاربين معاهم، ولما كنا بنشوف سلاح يقولوا عشان لو فيه بلطجية دخلت علينا، ومكنتش أعرف إنهم اللي بلطجية". بالرغم من حالة المعاناة التي تعيشها "نجوى" وأسرتها من ضيق الحال، إلا أنها قررت فضح روايات جماعة الإخوان التي كانت تراها وتسمعها في اعتصام النهضة التي كانت تعيش فيه: "مش هخاف إني كنت مصدقاهم في الأول وفاكراهم بيخافوا ربنا، وكل يوم كانوا بيدونا 100 جنيه عشان نفضل قاعدين"، مؤكدة: "ربنا وقف جنبي وخرجت يوم الفض مع عيالي وجوزي سالمين، وطول الفترة دي عرفنا إننا غلطنا في حق بلدنا لما صدقنا الإرهابيين اللي بيقتلوا في عيالنا دلوقتي". لم تصدق نجوي أن خروجها سالمة من الاعتصام يوم فضه سيكون بداية حلول البركة عليها "الأيام دي أحسن من غيرها بكتير، الحمد لله ربنا فتحها في وشنا ولقينا شقة إيجار نعيش فيها وجوزي ربنا رزقه بشغلانة نعيش منها".