أزمة "الظلام" تفجر غضب "تويتر": "ليه يبقى عندنا وزير وماعندناش كهربا؟"

في ظل الغضب المتزايد للشعب المصري إثر تفاقم أزمة انقطاع الكهرباء المستمر، دشن عدد من نشطاء موقع التواصل الاجتماعي "تويتر"، هاشتاجًا ساخرًا تحت عنوان "#الحفلة_على_وزير_الكهرباء"؛ للمطالبة بإيجاد حلول سريعة لحل الأزمة. وقال أحمد باسل غاضبًا: "وزارة الكهرباء ماشية بأغنية الأستاذ مدحت صالح.. النور مكانه في القلوب"، واستنكر "مش هبطل" قائلًا "طيب ليه يبقي عندنا وزير وإحنا أصلا معندناش كهرباء"، مضيفًا: "أنتي جايه اشتغلي أيه"، وقالت بانفعال ريم حسن: "لما الأجهزة تبوظ ويتدفع الألفات علشان تتصلح عاوزينا ننجز وننتج إزاي بالنفسية اللي زي الزفت دي". وأوجز طارق إسلام غضبه قائلًا: "ليه كدة ليه كده"، فيما عبر قطب مصطفى عن غضبه قائلًا: "عزيزى وزير الكهرباء.. هو حضرتك بتشتغل إيه؟"، وقال أحد النشطاء: "مستخسرين في الناس حتى شوية النور اللي بيشوفوا بيهم الأيام السودة اللي هما عايشينها". فيما دعت "مارو"، لتنظيم مظاهرات احتجاجية على تفاقم أزمة الكهرباء، وتباطؤ الحكومة في إيجاد حلول جذرية سريعة، قائلة: "إحنا نعمل يوم ننزل كلنا نعمل احتجاجات على شركات الكهرباء في مصر كلها في وقت واحد.. دي عالم .."، ودعا "زيزو"، لتنظيم فاعلية اليوم الأربعاء قائلًا: "بكرة فاعلية عشان الانقاطع الدائم للكهرباء الساعة 6 في ميدان سرور.. انتفضوا من أجل حقوقكم وإلا موتوا". واستنكر إسلام طارق، تصريحات وزير الكهرباء قائلًا: "لا ومبسوط أوي وهو بيقولك بعد أربع سنين.... ليه يا عم إحنا مبنستناش حد أربع سنين غير المنتخب علشان يتأهل لكأس عالم"، وقالت هبة الله مستنكرة: "ألمانيا احتفلت من كام يوم بمرور30 سنة بدون قطع كهرباء إحنا مش عارفين نحتفل حتى بمرور 3 ساعات". وقال عشماوي: "تاعبين نفسكو ليه وعاملين وزارة ووزير.. وربنا لو لغتوها ما هنأخذ بالنا"، وتساءلت منى: "لما تقطع الكهرباء من 8 لـ 10 ونص الصبح في أكثر وقت إنتاجية في اليوم أنا اشتغل إمتى، والكهرباء تقطع بالـ3 ساعات ليه؟". وقالت إيمان الخطيب: "كهرباء ؟؟!! أنا مش شايفة أيتها كهرباء"، وقالت سلمى مستنكرة: "كان مشروع تابلت لكل تلميذ.. بقى مشروع كشاف بحجرين لكل تلميذ".