وزير التعليم عن أولى ثانوي: 80% من الطلاب غشوا الامتحانات في فبراير
الدكتور طارق شوقي .. وزير التربية والتعليم
كشف الدكتور طارق شوقي، وزير التربية والتعليم، والتعليم الفني، السبب وراء امتحان الصف الأول الثانوي بشكل الكتروني في فبراير ومارس، وإجراء اختبار لهم ورقي في أبريل، حيث قال «لما عملنا امتحانهم إلكتروني في فبراير 80% من الدفعة غشوا الامتحان، و20% من الدفعة اللي حلوه بأمانة».
وأضاف «شوقي»، خلال مداخلة هاتفية في برنامج «الحكاية»، الذي يُعرض على شاشة «إم بي سي مصر»، مع الإعلامي عمرو أديب، أن هذا الغش يظهر جليلًا عندما نرى أن متوسط الدفعة التي عددها 650 ألف طالب، في مادة مثل الجغرافيا حاصلة على 97% و في الرياضيات 94%.
وتابع: «إحنا عارفين وشايفين هما بيعملوا ايه، وده حط الضوء على مشكلة عميقة جدا، في رؤيتنا للتعليم والهدف منه، إحنا عشان الـ 20% من الطلاب اللي أدوا الامتحان بأمانة لازم نعمل تقييم مضبوط، ومنقدرش ناخد نمرة باظت بسبب الغش واعتد بها، قولنا يبقى الدفعة تتقيم بشكل ورقي».
ووجه وزير التربية والتعليم، والتعليم الفني رسالة للطلاب: «مش كنتم بتقولوا السيستم بيوقع وبتتوتروا في اللجان، إحنا بقى هنمتحنكم ورقي ونجيب مراقب من خارج المدرسة ونصحح الامتحان بطرق حديثة عشان نقفل عمليات الغش ونعرف الولاد مستواهم الحقيقي، إحنا قادرين نعمله تابلت، بس فيه مهزلة غش، ومعندناش استعداد نبوظ امتحان ونفقده معناه».