«الرفيق قبل الطريق»، زار 50 دولة عربية وأجنبية، ولا يزال شغوف بزيارة دول أكثر، ومن اعتاد السفر والترحال يحتاج لرفيق، أدهم الهمشري، واحداً من محبي الترحال وزيارة الدول واكتشاف معالمها لكن برفقة زوجته.
«تقريبا لفيت 90% من دول آسيا، وأوربا زي فرنسا وألمانيا وبليجيكا وهولندا ودينمارك وتشيك والمجر ولندن واسكوتلاندا»، بحسب «أدهم»، قد زار 50 دولة تقريباً، ويسافر منذ 10 سنوات، ويتخذ زوجته رفيقاً أثناء سفره: «السفر لوحدي حلو بس مراتي أجمل بكتير وبتونسني واتعودنا من بعد الجواز نسافر في كل مكان سوا».
اكتسب «أدهم» صفات وخبرات عدة من سفره للخارج، ومنها أنه بات أكثر مرونة: «كنت بنام في الشوارع لما ميكونش معايا فلوس وباكل أي حاجة ان شاء الله حتى لو عيش وحتة جبنة المهم في السفر اني ألف في البلد واتعرف على المعالم اللي فيها».
ووفقاً إلى «أدهم» إيطاليا من أفضل الدول في أكلاتها ومنها: «البيتزا، الباستا» أما اليابان، مميزة في اكلة السوشي: «شيف السوشي اللي على الحق في اليابان مش بيشتغل الشغلانة دي غير بعد ما يمارس صناعة السوشي لمدة 15 سنة».
ومن أغرب الأكلات التي أكلها «أدهم» هي «اوكونومياكي وهى عبارة عن ماكولات بحرية على البان كيك وعليه خضروات، بدأت تتعمل لأول مرة في منطقة هيروشيما، وبتتعمل على الجريل»، أما العادات الغريبة: «اونسن» وده اسم الحمامات اليابانية، لازم يبقوا عريانيين ولو لبست مايوة تطلع بره».
لو هختار اندونيسيا، ستكون اختيارى الأول في حال سفرى في شهر رمضان الكريم: «اندونيسيا لأن أغلبها مسلمين ومرة صادفت رمضان ف انجلترا بس حسيت بجو رمضان برضه لان في مسلمين هناك وبيقيموا الشعائر والروحانيات بتاعت رمضان».
تعليقات الفيسبوك