سعد الصغير يبكي على الهواء: «مكنتش بخاف من حاجة الأول.. دلوقتي اتكسرت»

قال الفنان سعد الصغير، إنه شعر بالكسرة والوجع بعد وفاة والدته، حيث كان يشعر بأنها ظهره وأمانه، في أي مكان «مكنتش بخاف من أي حاجة، دلوقتي أتكسرت فعلا، فعلا أتكسرت ولا أخ ولا أبن ولا زوجة، فعلا اتكسرت، وكانت هي اللي بتستناني في أي برامج، وبتلم الناس وتقولهم سعد ابني في التلفزيون، ودلوقتي مفيش حد».

وأضاف «الصغير»، خلال استضافته ببرنامج «شيخ الحارة»، الذي تقدمه الإعلامية إيناس الدغيدي، والمذاع على فضائية «القاهرة والناس»، أن الفنانة وفاء عامر رأته في مرة عندما كان «يطبل»، وتنبأت له بمستقبل واعد، «روحت البيت عندهم وأمها ست بركة، وكنت بروح مع آيتن عامر مشاويرها، وحبيت القعدة عندهم، علشان كانوا بيجيبوا حلويات كتير، وأم وفاء عامر أمي، ووفاء عامر وأختها إخواتي».

وأوضح أنه لم يترك عزاء شقيقه ليذهب ويحيى حفل كما قال «شيخ الحارة»، ليرد عليه «بطل جنان يا عم أنت، إيه الأخبار الجنان اللي بتجيبها دي، متستهبلش يا عم أنت، وقعدت 3 أشهر، وبعدين نزلت الشغل، ده أخويا تؤامي، وبعد الأخ ولو هاخد مليون جنيه مش هسيب عزاء أخويا».

• سعد الصغير
• القاهرة والناس
• شيخ الحارة
• إيناس الدغيدي
• سعد الصغير
• القاهرة والناس
• شيخ الحارة
• إيناس الدغيدي