شاكوش: أنا الأول على العالم في مجالي زي صلاح في الكورة.. وبيكا يسخر
شاكوش: أنا الأول على العالم في مجالي زي صلاح في الكورة.. وبيكا يسخر
قال المطرب الشعبي حسن شاكوش، إنه يرى أنه الأفضل في مجاله، موضحًا: «أنا رقم واحد على العالم في مجالي زي ما محمد صلاح رقم واحد في الكورة»، وذلك خلال استضافته في حلقة شارك فيها حمو بيكا، وعمر كمال، مع الإعلامي أحمد سالم مقدم برنامج «لحظات جريئة» الذي يعرض عبر شاشة «القاهرة والناس».
وأضاف شاكوش: «أنا مش بقول كده وخلاص، دي حسابات وجوجل ويوتيوب وساوند كلاود، كل ده قال إني رقم واحد».
في المقابل سخر حمو بيكا من تصريحات «شاكوش» قائلا: «متكلمهوش، هو شايف نفسه أنه كده قوله الله يسهلك وخليه ماشي متكسرش بحلمه، والناس دي كلها دخلت كلمتني، ومفيش واحد اشتغل معايا في أغنية وسقطت، وكل حاجة نجحت، كانوا ناجحين، لكن كانوا فين؟!».
وعن حمو بيكا، قال شاكوش: «حمو غلبان، ومكنتش في الفريق بتاعه، وكنت بغني قبل ما هو يغني».
وقال حمو بيكا: «مش أنا اللي طلعت حسن شاكوش وعمر كمال، بس أنا اللي عملت لهم الأغاني بتاعتهم اللي الناس كلها بتسمعها».
وأوضح عمر كمال: «أنا وحسن شخصياتنا مختلفة، يعني أنا وهو ممكن نلبس بدلة ونغني، وبنغني لأكبر طبقة في مصر بهوايا».
وعلق بيكا: «السي في بتاعي فيه أكتر من 3 آلاف أغنية، أقدر أنقي الأغاني اللي عاوز أغنيها، لما أروح الفندق هعرف أغني إيه، ولما أنزل الشارع هغني إيه.. لكن أنت بتتكلم عن حد السي في بتاعه فيه 8 أغاني».
وأردف عمر كمال: «حمو طيب وأنا عارف مين اللي سخنه، وبيقول إني همي الأول والأخير على الفلوس، ولحد النهاردة الناس ممكن تمسك كلامه ضدي».
