توك توك يسير بجانب قطار
مشهد أثار جدلًا واسعًا على مواقع التواصل الاجتماعي خلال الساعات القليلة الماضية، يظهر خلاله «توك توك» يسير بجانب قطار على قضبان السكة الحديد في محافظة الشرقية، في الوقت الذي كان يوجد قطار آخر قادم خلفهما على القضبان على بعد دقائق..
الواقعة حدثت في الساعة الثانية ظهر اليوم، في محطة قطار فاقوس بالشرقية، حينها كان محمود أحمد أحد شهود العيان، موجودًا أمام شباك التذاكر، اشترى التذكرة والتف إلى الوراء، ففوجئ بالمشهد الغريب، «توك توك» يسير بجانب القطار على السكة الحديد، ويقول «محمود» لـ«الوطن»: «كنت مستني القطر ييجي من فاقوس عشان أسافر للصالحية، وقتها كان واقف القطر على الناحية التانية من المحطة، فشوفنا التوك توك ماشي بالطريقة دي».
قرار سائق الـ«توك توك» بالسير على السكة الحديد، سببه ازدحام المرور في هذه المنطقة، وفقًا لـ«محمود»، وكانت معه سيدة: «مستناش يلف من الناحية التانية، لأن الدنيا زحمة وهياخد وقت طويل، فقرر يعدي من قلب المحطة».
كان سائق الـ«توك توك» يسير على قضبان السكة الحديدية قبل دقائق قليلة فقط من قدوم قطار «الصالحية – فاقوس»، لذلك تعالت أصوات الموجودين على رصيف المحطة: «مينفعش اللي بتعمله ده، مينفعش تعدي من هنا، أرجع بسرعة القطر زمانه جاي»، ولكنه لم يعط بالاً لأحد، واستمر في طريقه.
اقرأ.. «حالات التحرش» من الخفاء إلى الفضيحة بـ«الكاميرات»: مش بس في الأتوبيس
نتيجة أصوات الموجودين وارتفاع أصواتهم، خرج ظابط من المحطة، يحكي شاهد العيان: «التوك توك مشي نص المسافة تقريبًا، لحد ما الناس اتلمت وطلع ظابط من المحطة، ومشي وراه لغاية آخر المحطة ولحسن حظه لحق نفسه قبل ما القطر ييجي لأن القطر اللي جاي من الصالحية مكانش في دقايق ويوصل والمحطة قفلت على التوك توك وهو جوه».
تعليقات الفيسبوك