طالبة تعثر على «رضيعة» تحت كوبري بالسلام: «كانت مرمية جوه حفره»
طالبة تعثر على «رضيعة» تحت كوبري بالسلام: «كانت مرمية جوه حفره»
- أسرة
- تعثر
- طفلة رضيعة
- تحت كوبري في السلام
- العثور
- طفلة
- رضيعة
- كوبري
- مدينة السلام
- السلام
- أسرة
- تعثر
- طفلة رضيعة
- تحت كوبري في السلام
- العثور
- طفلة
- رضيعة
- كوبري
- مدينة السلام
- السلام
رضيعة عمرها أيام، تركت وحيدةً داخل حفرة أسفل كوبري الحرفيين بمدينة السلام، لتطلق نداء استغاثة بصرخات مكتومة من نفس شارف على الانقطاع، حتى أنقذتها العناية الإلهية عبر سماع طالبة كانت بالقرب من المكان لصوت «الصراخ».
مرتدية قطعتين من الملابس «العلوية بيضاء وبنطال أسود اللون»، وعلى جسدها علامات تدل على أنها ولادة حديثة، هى الحالة التى وجدت عليها الطفلة الرضيعة، وفقا لتصريح سيد حسني، أحد سكان حى السلام ووالد الطالبة التي عثرت على الرضيعة: «بنتي كانت بتاخد درس في شارع أول جمال، وخلال عودتها للمنزل، وأنتظارها تحت كوبري الحرفيين، لوسيلة مواصلات تنقلها للمنزل، فوجأت بصوت غريب عند الكوبري».
وسارعت ابنتى لمعرفة مصدر الصوت بإنارة كشاف هاتفها المحمول، وذلك في العاشرة مساء أمس الأحد، يضيف حسنى خلال حديثه لـ«الوطن»: «أول ما نورت الكشاف بتبص لقت الطفلة الرضيعة مرمية جوه حفره تحت الكوبري ونمل كتير بيمشي عليها، فكلمت والدتها على طول لغاية ما وصلت عندها».
«لا يوجد منازل بالقرب من المكان»، بحسب «سيد»: وأن «المكان تحت الكوبري للمواصلات فقط مفيش سكان جنبه، وبنتي استنت فترة كبيرة هناك، لكن محدش تواجد في المكان إطلاقا، لغاية ما والدتها وصلت وجابو الرضيعة معاهم البيت».
وسارع «سيد» بالذهاب إلى منزله لمشاهدة الطفلة: «لقيتها شكلها لسه مولودة ملهاش أيام، وحسيت أنها تعبانة ومش هتستحمل تعب الذهاب لقسم الشرطة، علشان كده خليتهم يحموها ويغيرولها هدومها وقعدناها معانا لغاية ما أروح الصبح أعمل محضر بوجودها عندنا».
«سيد»: أنا مستعد لتبني الطفلة
وأكد «سيد» استعداده لتبني الطفلة الرضيعة في حالة عدم التوصل إلى أسرتها: «عندي استعداد اتبناها وأربيها مع أبنائي التلاته، وربنا يقدرني على مصارفيها هعتبرها بنتي الرابعة وربنا رزقني بيها».
