أول رد من تامر عاشور على انتقادات صورته مع طفلة مريضة بالسرطان
تامر عاشور
رد الفنان تامر عاشور على الانتقادات التي وجهت له مؤخرا، بسبب الصورة التي تجمعه بطفلة من مرضى السرطان.
وكان «عاشور» قد نشر صورة عبر حسابه الشخصي بـ«فيسبوك» وهو يعطي له فاكهة، وعلق عليها قائلاً «لا خدي انتي، أنا صايم يا فاطرة بحبك».
تامر عاشور يرد على الانتقادات
وكتب تامر عاشور في التعليقات على الصورة التي تجمعه بمريضة السرطان، وقال لأحد المتابعين: «أولا دي مش صورة في رمضان، دي أثناء تصوير إعلان مستشفى أيادي، ثانيا مش هنفضل نتعامل مع المواضيع بحساسية علشان ناس مش عارفة تقول ايه في أي حاجة أنت كدة اللي بتفرق بنا وبينهم، لو قولت لطفلة عادية يا فاطرة، بغض النظر عن إنها طفلة أساسا مبتصمش، بعيدا عن أي مرض ربنا يحفظهم، أنت هتزعل؟.. لا طبعا فكدة أنت اللي بتفرق».
وأضاف: «معلش عموما ردود الناس برضو باينة والتعليقات، حاول تبص على إن البوست جايب أرقام حلوة لناس تشوف رقم التبرع علشان تتبرع، أو اتبرع أنت بأي حاجة غير التعليق الغير مفيد اللي أنت كاتبه».
وتابع تامر عاشور: «أنا طول حياتي ومشواري عمري ما اتريقت على حد سليم علشان أتريق على مريض حاش لله - واللي اخد كلامي تريقه على مريض نفوسهم ضعيفة وهم اللي مرضى بيفرقوا بين المريض والشخص الطبيعي. لو نزلت صورتي مع أي طفل اللي هو غير مُكلف بالصيام وقولتله بأي طريقة متشربش مياه قدامي يا فاطر حد هيتكلم ؟ مستحيل علشان طفل طبيعي لكن المريض لاااااا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعاملاتنا».
واستطرد حديثه، «المرض الحقيقي هو التفرقة بين أطفالنا اللي بصحة جيدة ربنا يديهم كل الصحة ولأطفالنا اللي ربنا اختارهم للمرض.. المرض الحقيقي هو أن فكرة المعايرة جاتلك قبل 100 فكره تانية ممكن تجيلك من جمال البنت وضحكها وبهجه الصورة .. البنت اللي في الصوره فضلت ف حضني طول تصوير الاعلان وبحبها جدا جداً ومتفقين انا وهي على حاجات كتير قوي قوي هنعملها».