"سيد" يجمع "الجائلين" للوقوف في "الترجمان": "لو مروحتش في غيرك عايز"

"اللي مش راضي يقف في الترجمان، إحنا راضين بمكانه"، قرار اتخذه "سيد" ومجموعة من الباعة الجائلين من مناطق مختلفة بالقاهرة، جاءوا إلى جراج الترجمان بحثًا عن مكان يحموا فيه بضائعهم، بدلاً من جائلي التحرير الذين رفض بعضهم تنفيذ القرار الحكومي الذي يقضي بنقلهم، تحت شعار "لو مروحتش في غيرك عايز". في الوقت الذي حمل الجميع بضاعته، مختبئًا من بطش البلدية، قرر سيد سامي، صاحب فرشة أدوات منزلية على رصيف حي الزيتون، أن يجمع منذ اليوم الأول لتطبيق القرار زملاءه الباعة من مناطق مختلفة، "لما سمعت على بياعين التحرير إنهم مش راضيين يروحوا، فكرت أجمع الناس اللي تعبانة زيي من وقفة الشارع، ونروح نقف في مكانهم برضانا"، مضيفًا "مش عشان واقفين في مناطق بره شوارع وسط البلد يبقى البلدية سيبانا في حالنا، عشان كده قلت أروح الترجمان أشوفلي مكان أقف فيه، وأجيب أصحابي اللي عايزين يمشوا صح ونقف في مكان الحكومة راضية عنه". وسط زملائه وعساكر الشرطة، وقف الرجل الأربعيني داخل سور الترجمان مطالبًا بتوفير أماكن مخصصة لهم مثل باعة التحرير: "إحنا مش واقفين في الشوارع بمزاجنا وعارفين إنه غلط، بس مفيش فلوس تخلينا نشتري مكان نقف فيه، وتعبنا من البلدية اللي مش سيبانا في حالنا وهروبنا منهم". عدد كبير من زملاء "سيد" فوجئ بهم يستجيبون لطلبه "لما قلت الفكرة ليهم وحددنا إننا نتجمع النهاردة بعد أيام من نقل الباعة جوه الترجمان، لقيت بياعين كتير جايين من منطقتي والأميرية وعباس العقاد وفيه ناس مكنتش أعرفهم لقيتهم موجودين، بس معرفناش نقف مكان اللي مش راضيين ييجوا، وقالوا لنا إن دي أماكن مخصصة للبياعين اللي في وسط البلد بس"، مؤكدًا: "مش محتاجين من الحكومة غير إنها تخصص لينا أماكن نقف فيها بدل ما غيرنا متبطر عليها، وبنقول ليهم إحنا راضين".