«الشنطة عليها عريس هدية» قالوله: «هات العريس وخليها لك»

رغم أنه لم يتبق سوى أيام قليلة على العام الدراسى الجديد، فما زال الركود يخيم على محال بيع الشنط والتى كانت تلقى رواجاً كبيراً فى هذا التوقيت من كل عام، وهو ما دفع أحد أصحاب محال بيع الشنط فى شارع «الصناديلى» فى الجيزة، إلى وضع لافتة ساخرة كنوع من الدعاية والترويج كتب فيها: «أى شنطة عليها عريس هدية». «اللى عايزة عريس تيجى تشترى شنطة، عرض لفترة محدودة، أى شنطة عليها عريس هدية حتى نفاد الكمية»، قالها أحمد صلاح بملء فيه متمنياً أن تجذب لافتته الزبائن: «نوع من أنواع الدعاية بنلفت نظر الزبون بيها، وطبعاً إحنا بنهزر مع الناس اللى رايحة واللى جاية، وبنحاول نلفت نظرهم للمحل والشنط اللى معروضة فيه، بنكتة أو دعابة مننا»، مؤكداً أن اللافتة بالفعل لفتت أنظار الزبائن لكنهم لم يشتروها. «70% من البنات اللى بتمر قدام المحل، بيسألوا عن المكتوب فى اليافطة، وبيهزروا معايا وبيسألونى عن العريس ويقولولى خلى الشنطة وهات العريس وبعدين يمشوا من غير ما يشتروا».. قالها «صلاح»، مؤكداً أنه فعل كل شىء من أجل الترويج لبضاعته «والناس برضه مابتشتريش»، ومشيراً إلى أن سعر الشنطة فى هذا الموسم يتراوح بين 85 و120 جنيهاً بزيادة بسيطة عن العام الماضى.