سيدة لـ"أحمد موسى": ضابط شرطة اعتدى علينا وأجهض أختي بسبب قولنا له "كلمنا كويس"

اشتكت سيدة تدعى رحاب، من ضابط في كمين بدهب بشرم الشيخ، قائلة: "إنه اعتدى عليهم وتسبب في إجهاض أختها، وتم اصطحابهم إلى قسم الشرطة"، مضيفة أن الضابط تعدى عليهم بالسب والقذف، وقام بترحيلها في سيارة مع متهمين وبلطجية. وأوضحت رحاب، في مداخلة هاتفية مع الإعلامي أحمد موسى في برنامج "على مسئوليتي" على فضائية "صدى البلد"، قائلة: "كنت في رحلة لشرم الشيخ أنا وأخواتي البنات وكانت أختي الكبيرة حامل وعدينا على الكمين ووقفنا ضابط شرطة وطلب البطاقة وخد البطاقات، وسألنا بأسلوب غير لائق: جايين منين ورايحين فين، قولتله: لو سمحت كلمنا بأسلوب كويس، فرد عليا وقالي: أشكالكم دي محدش يكلمها غير كده، وراح قلع الساعة وخبط باب التاكسي في بطن أختي الحامل وتم إجهاض أختي بسبب الخبطة اللي جات في بطنها وكلمنا الإسعاف جات خدتها". وتابعت رحاب، قائلة: "إحنا مش متهمين بحاجة وطلبت من الضابط أنه يكشف على البطاقات بتاعتنا عشان يسبنا نروح، لكن هوه أخذنا القسم ولما وصلنا هناك حكينا مع وكيل النيابة فاتعاطف معانا ولما دخل شوية هوه ووكيل النيابة خرج علينا وكيل النيابة فضل يشتم فينا"، مشيرة إلى أن "الضابط ده اسمه كريم الجنزوري فضل يقول (إني مش هخليكم تشوفوا الدنيا تاني ولا هخليكي تشوفي ولادك)".