إضراب سائقي الأجرة بـ"بني سويف" بسبب ارتفاع الكارتة والبلطجية

أضرب العشرات من سائقي سيارات الأجرة بموقف الواسطى شمال بني سويف، اليوم، احتجاجًا على تضررهم من ارتفاع أسعار الكارتة المجمعة التي يتم دفعها، بالإضافة إلى تضررهم من بلطجية موقف المنيب وتعنت ضباط مرورالجيزة ضدهم، وأغلقوا الموقف ومنعوا خروج أي سيارة منه أو تحميل ركاب. وقال أحمد ممدوح، (سائق)، "رفعوا البنزين والسولار ومتكلمناش وكمان بيرفعوا الكارتة بتاعة الركوب، والركاب مش بيعرفوا الكلام دا وبيتخانقوا معانا على تعريفة الأجرة، غير كمان البلطجية في موقف المنيب، بياخدوا مننا 30 جنيه على المشوار وإلا عربياتنا تتكسر". وقال جمال سلامة، "ضباط مرور الجيزة بيعندوا فينا، وأول ما يشوفوا أرقام العربية بياخدونا مخالفات، وآخر السنة بنلاقي مخالفات بالآلاف علينا، واحنا بيوتنا بتتخرب ومحدش بيقف معانا". وانتقلت إدارة مرور بني سويف، بقيادة العميد طه الدرباشي، رئيس مباحث المرور، والمقدم محمد البرنس، رئيس مباحث الواسطى، لتهدئة السائقين والاستماع إليهم والتواصل مع إدرة مرور الجيزة.