الطوفان لازم يعود
الطوفان لازم يعود
فوق جبين الدهر تاج
تفضلي رغم اجتياج
بعد صبرك :الإنفراج
فجر ليلك له انبلاج
***
علَّقي يلَّه المشانق
واخنقي الجو اللي خانق
قبل موتي مش هعانق
اللي يقتلني بمزاج
***
وافردي بحرك شراع
لمِّي شوقك م الضياع
اللي باعك أصله باع
موج هيكنس في الهياج
***
والجبل بيقول : لا عاصم
للي قوتي معاه يقاسم
يشفطه والوش باسم
يتهموني بالإحتياج
***
حتى نيلي بيشربوه
والعطش ملعون أبوه
حتى قلبي بيحرقوه
يدهسوني في ابتهاج
***
اوعي تاخدي ف السفينة
أي إيد ما تكون أمينة
امسحي الدمعة الحزينة
وانا ليكي في احتياج
***
انتِ قلبي انتِ روح
والطوفان مطلوب له نوح
والجسد مليان جروح
شمعتي هي السراج
سامح لطف الله
