فرقتى الحسبة الواحدة
فرقتى الحسبة الواحدة
لَوْ خَدْتِ الجذر التالتْ
لِمُربَّعْ شوقى وحبى
وطَرحْتِ الأحقاد منُّهْ
وقسمْتِ يدوب لاتنين
وِرَفعْتِ الأُسْ لِخمسة
وجَمعْتِ عليه أخطائى
وجَذَرتِ الناتج كلُّه
تَحْت الجذر التربيعى
وطِرحْتِ ليالى دموعى
قرَّرتِ يا حلوة تبيعى
ضيَّعتِ سنين مشروعى
ودَخَلْت خريفى بطوعى
الناتج هوَّه الصفر
واتنين معادتش تساوى
الواحد فى الحسابات
فرَّقْتِ الكومة الواحدة
لاكوام تناتيف وفُتات
الحسبة مكاتش صحيحة
ومشيتِ ورا الفتكات
ضيعتِ بإيدك حبّى
وسَّعت كمان مسافات
