زهقان من طابور التفتيش.. اعمل زى «يونس» وأصحابه وشغل أغانى وطنية

طابور انتظار طويل أمام بوابات جامعة القاهرة، لم يتسلل الملل للطلاب الواقفين فيه، فالأذن لا تسمع سوى الأغانى الوطنية عبر هواتفهم المحمولة، التى قرروا من خلالها أن يردوا على عنف طلاب الإخوان وكسر حالة الملل التى يستغرقها الطالب أثناء التفتيش بفكرة جديدة تحت شعار «فك الملل بأغنية لمصر». المشهد متكرر يومياً، بعد تجاوب أغلب الطلاب المنتظرين فى الطابور لمبادرة يونس محمد، طالب بكلية تجارة، وزملائه إيجابياً، بعضهم بتشغيل هاتفه بأغانٍ وطنية أخرى، أو الاندماج فى الأغنية إلى أن يأتى دوره وينتهى التفتيش: «حاولنا نبعد عن الأحداث اللى حصلت أول يوم جامعة، ومن تانى يوم وقفت مع أصحابى فى الطابور وشغلنا أغانى وطنية عشان نوصل للى بيخربوا إننا مش خايفين وهنيجى الجامعة وده رابع يوم لينا، وكمان عشان الأمن يشوف شغله فى التفتيش ومحدش يزهق»، مضيفاً: «لحظة ما شغلت أغنية وطنية من الموبايل فيه طلاب نصحونى أقفلها عشان مجبش مشاكل، وغيرهم تجاوب معانا وشغل من عنده وشاركنا».