إشمعنا إحنا يا عرب؟
إشمعنا إحنا يا عرب؟
إشمعنا إحنا يا عرب ملطشة للأمريكان؟
أمريكا شغلتها تضربنا فى كل مكان
طابورها فى أرضنا بيعلى فى البنيان
أرض العرب مش لهم.. للناتو والطليان
إحنا العرب همنا نحرق فى كل زمان!
خربنا فى أرضنا وحرقنا بيت ربنا
وطلعنا من جلدنا وندبنا بقى حظنا
سوريا ومتدمرة.. وغزة متعسكرة
وليبيا صارت تراب بيوتها متكسرة
جيوشنا فين يا عرب؟ قوتنا راحت فين؟!
أمريكا من حقها تضربنا بالمركوب
ده الضرع من ظلمها قبل المعاد محلوب
اصحوا بقى يا عرب وكفاية جبن ونوم
ده الجبن فى شرقنا بيصدروه بالكوم
