أنا راجلِكْ

لِمِّى القصايد واحرقيها اوعى تسيبى حرف فيها وِانْ هَبّ حرف الشوق عِيَاطْ لِمِّى المحارق وانسفيها اوعى دموع الحزن تغلب تلسع خدود الشوق.. داريها وان كات حيطان السجن عالية هاتى المعاوِلْ دَشْدِشِيها رقبة سيادتكْ للمشانِقْ زاد الحنين المُرِّ ليها لِمِّى المشاكلْ واخنقيها لِمِّى المصايبْ واحرقيها لَوْ شَذّ بعْض ولادى مِنِّكْ ارمى القنابل.. واحضنيها لوْ مدّ راجلى حلّ ليكى لوْ كُلّ مالى يفتديها م الصُبْحِ رجْلى وَيَّا رِجْلِكْ دانا رَاجْلِكْ وافهميها لوْ نور عينينا مِحْتجاله واللهِ ما يغلى عليها يا مصر انتى كُلّ قلبى أقسم بِرَبِّى واحفظيها لِمِّى القصايد وافرُميها اوعى تسيبى حرف فيها