القتل عادة

لما يبقى القتل عادة لجل بسط الدولة أو فرض السيادة واستعادة لكل أنواع التبلد ف المشاعر واللي فاكر أنه قادر يعمل الثورة بسلام بالوجع خلص الكلام الشهيد ابن الشهيد ابن الشهيدة أخو الشهيد ... ايه جديد ف حياته غير لون العزا وشكل المياتم والقبور سكنوها أحسن خلق فينا ... اللي غايته كانت شهادة واللي غاية غايته كانت فيلا ف مارينا ... والحساب يوم الحساب والقدر صفحة ف كتاب مُت لكن لجل مين لجل راية بلدي وكفاحها الحزين لجل حرية وكرامة لجل ما يعيش أهل بلدي مستورين العدالة للي عاشوا مظلومين لقمة حلوة للي عاشوا محرومين أي شغلة للشباب المطحونين مت لكن لسه بلدك زي ما هي البشر عايشه ف تلاهي يا شهيد بالحق قرب خد كتابك باليمين ...