رسالة الى حضرة مولانا

حضرة مولانا نائب دايرتنا الغلبانة عشية الانتخاب كل شوى يدق الباب مين على الباب؟ دانا مرسال مولانا نطلع برة قدام دارنا نرش الحتة ونفرش دكة مفيش ساعتين يدق الباب افتح ياد كلم ياابا.. مين يا حبيبى؟ دا حضرة مولانا ومعاه برة عربيات وناس يامة روح يا حبيبى انده عمك ويَّاه خالك وادعى جيرانك ويَّا صحابك علشان نقعد مع بعضينا ونشوف تحقيق أمانينا على إيد حضرة مولانا قعدنا معاه قعدة طويلة ناخد ندى ويَّا الجيرة شدوا حيلكم ويايا طلباتكم ف الشنطة معايا أول جلسة تحت القبة أوعدكم إنها ليكم قرينا الفاتحة ويَّا يس حلفنا ألفين يمين لنجَّح حضرة مولانا ونجح حضرة مولانا وعدا الدورة بألف سلامة خمس سنين ما دق الباب ولا اترشت حتة ولا انفرشت دكة يا مسلمين اقروا الفاتحة لحضرة مولانا