أختى الفتاة الثائرة
أختى الفتاة الثائرة
يا بنت أرض النيل الطاهرة
قالوا عليكى حائرة
يا ريت عقولهم زى عقلك مبهرة
يا بنت مصر القاهرة
جريئة جرأة مصر
حماكى رب الكون
يا تاج منور فوق رؤوس الكل
يا عقد ورد وفل
أختى الفتاة الثائرة
أنتِ العفيفة الصابرة
نزلتى قلتى يا رب
احمِ البلاد من الكرب
رضاكى رب الكون
بجيش شديد وحنون
حافظ عليكى وخاف
على كل فرد وشاف
إن الحماية لبلده
فرَّح قلوب الناس
الكل بيقول عاش
حسّس الناس بالأمان
بعد اللى خان أرض الوطن
بعد اللى هان عليه دم الشباب
بعد العذاب افرحى يا أم الشهيد
أختى الفتاة الثائرة
بلدك بخير اليوم
اليوم ده عيد افرحى واطّمنى
الفجر جاى أكيد
حامل رياح الصبا هيعطر الميادين
خليكى عندك واثبتى
نازلين نقول للى غدر
غدرك لصالح مين؟
ضحكوا عليك وقالوا لك
اضرب ولا يهمك
لحد ما تيجى تشوف
نلاقيك ضربت أمك
يا خسارة ضحكوا عليك
خلوك تعق والديك
