مدرسة تلغى طابور الصباح «عشان المجارى طفحت»

معاناة حقيقية يعيشها طلاب مدرسة «الثروة السمكية المشتركة» بنجع العرب، مركز مينا البصل، بسبب مياه الصرف الصحى التى تغرق الفصول الأرضية وحوش المدرسة، لعدم توصيل خدمة الصرف الصحى واعتماد المدرسة على «بيارة». روائح كريهة ومياه ملوثة تحيط بالمدرسة من الداخل والخارج يضطر الطلبة إلى المرور فوقها أحياناً وهو ما يعرضهم إلى الإصابة بأمراض فيروسية بسبب مياه الصرف الصحى، وحسب أشرف الشيمى، أمين حزب التحالف الشعبى الاشتراكى بمينا البصل، محافظة الإسكندرية، فإن الطلبة يعيشون داخل المدرسة حياة غير آدمية: «الرطوبة فى كل حتة، تحس إن الطلبة سمك جوه حوض». «إحنا طول الوقت بنخاطب المحافظة والحى عشان يشوفولنا حل، ولا حياة لمن تنادى، كأننا بننده فى مالطة»، حسب موسى عمران، مدير المدرسة، الذى أخلى مسئوليته عن الإهمال أو التقصير فى حق الطلبة أو المدرسة: «لما بنتصل عشان يشفطوا المجارى من المدرسة بيقلولنا بـ400 جنيه، طب أدفع ده كله منين، وأصلاً نص الطلبة مبتدفعش المصاريف؟».