يعنى إيه واحد مات!
يعنى إيه واحد مات!
يعنى مش هيرجع تانى
للحياة ولو ثوانى
يعنى راح للحقانى
عشان يحاسبه ع اللى فات
يعنى إيه واحد مات
يعنى واحد راح وساب
وراه أهل وأحباب
وجيرة وأصحاب
يعنى إيه واحد مات
يعنى بداية الحساب
يعنى جنة أو عذاب
يعنى إيه واحد مات
يعنى نار بين الضلوع
يعنى بحر من الدموع
يعنى إيه واحد مات
يعنى راح من غير رجوع
ومفضلش منه غير ذكريات
يعنى إيه واحد مات
يعنى حسرة
يعنى كسرة
يعنى حزن
يعنى سكات
شوف كام واحد فيهم بات
عشان عنده حد مات
يعنى إيه واحد مات
