أنا حرة
أنا حرة برغم قيودي
ولو دمعي على خدودي
ولو يدبل في يوم عودي
مكان الشمس ده حدودي
أنا حرة
برغم كلام مايتقالشي
وجرأة عين ماترحمشي
بتبسم وأنا بمشي
وبكمل وﻻ اندمشي
أنا حرة
برغم وجعي كأنثى
وحقي اللي مخدتوش لسه
أنا بسامح وﻻ بنسي
أنا بعاتب وﻻ بقسي
أنا حرة
أنا حرة وجوايا بعيش حرة
ولو حواليا ميت قيد من برة
بيكفيني إني في تكويني بعيش حرة
وﻻ بحسب حساب بكرة
أنا حرة بقولهالك يا آدم
ﻻ ملك لحد وﻻ أضعف ما في العالم
أنا إنسان له حق يعيش ويتفاهم
ويتعارك ويتشارك ورأيه يقوله ده ﻻزم
أنا حرة ومش عيبة
ولو شوفتوني كغريبة
كفاية إني جوه مني ساكن طيبة
بعيش بيها وورا مني 1000عين وكل خطايا محسوبة