حدوتة مرة

بيمر العمر ويا دقات السعات وتجري النتيجة تعد أيام كل خطوة تخطيها بحدوتة ومن مرارها تتعلم ووسط الوقت.. تعاشر خلق تهجر خلق وتصادف م البشر ألوان.. اللي معاشش زي ما حب والظروف داست عليه واللي ف الخية جت رجليه وعاشها حرام.. ! واللي م الفقر مد إيديه.. واللي ف الخمارة لاجئ وف البارات حاجز له كرسي عشان ينسى مر الطريق ..! واللي عايشة تخدم على البشوات واللي ما استحملش مات..!! واللي حب ياخد له جنب واللي أدمن السكات.. واللي جرحه ما بيطبشي إكمن قطر العمر فات.. واللي ماشافش خير فيها فسابها وهج..! واللي بيتمنى الرجوع ف أي ميعاد والطريق جواه طريق ومافيش نهاية للرحلة إلا مع ساعة الرحيل..