"التوك توك" لما يخالف: في وجود الضابط "مصادرة".. وفي غيابه "رشوة"
"%2 من التكاتك في مصر بس اللي مترخص"، يقولها محمد علي، سائق "التوك توك" في مزلقان أرض اللواء، والذي يؤكد أن ترخيصه يحمي السائق من مصادرة عربته خلال حملات المرور والمرافق، ولكن ما قانونية ترخيص "التوك توك"، وهل هناك تشريع خاص بترخيصه، أم أنها أموال يرميها السائق على الأرض، وهل الترخيص يحميه من سرقته أو استغلاله.
يحكي "علي" عن رحلة "التوك توك"، بداية من شرائه من الشركة صاحبة توكيل الاستيراد، "باشتري التوك توك من الشركة بـ20 ألف جنيه كاش، قسط بيعمله حوالي 26 ألف جنيه، بعد كدة يبدأ مشواري للمرور، يطلبوا مني ورق الماكينة، بعد كدة رحلة تانية لمنطقة (عشرة ونص)، أطابق شاسيه وأطابق بصمة، بعدها أروح تاني لمرور الجيزة، يحوِّلني مرور الوراق، بعدها أرجع (عشرة ونص) استلم التوك توك من هناك، وبصرف على الترخيص حوالي 600 جنيه، والإجراءات بتاخد من 3 إلى 4 أيام، أما لو العربية اتصدرت فالوضع مختلف".[FirstQuote]
يواصل "محمد علي" حديثه: "لو اتصادر التوك توك في حملة مرور أو مرافق، وهو بدون ترخيص، مينوبهوش غير البهدلة، وبيصرف 4 آلاف جنيه علشان يرجعه تاني، ده غير العطلة، إجراءات ترجيع التوك توك بتوصل لـ10 أيام، والسواق بيلف كعب داير بين إدارات المرور، ولازم في النهاية يرخَّصه، يعني لو كان رخَّصه من الأول كان ارتاح".
"التوك توك ممنوع من السير في الشوارع الرئيسية زي شارع السودان"، يرى "محمد" أنها مشكلة كبيرة تواجهه، مؤكدًا أن غرامة سير "التوك توك" في الشوارع الرئيسية، في حال إن كان مرخصًا، تصل لـ40 جنيهًا، وتكون فورية، أما لو غير مرخَّص فالأمر مختلف، وتتم مصادرته.
يواصل "محمد" حديثه، ويؤكد هو وشقيقه "أحمد"، سائق "توك توك" أيضًا، أن بعض السائقين يلجأون لطرق ملتوية لإعادة "التوك توك"، ويساعدهم في ذلك بعض أمناء الشرطة، بقوله: "ييجي أمين الشرطة، يلاقيني مخالف وماشي في طريق غير مسموح لي بيه، وساعات ممكن ينزل المنطقة، ويكون عايز يصادر (تكاتك) علشان ياخد فلوس، بنضطر نديله 50 جنيه في جيبه، علشان مياخدش العربية، بس لو معاه الظابط مبيعملش كدة، لو السواق مخالف بيدفع غرامته أو يصادر منه التوك توك".[SecondImage]
يكشف "محمد" وشقيقه تفاصيل أخرى، لـ"الوطن"، عن استغلال أصحاب "التوك توك" في الحملات الأمنية لضبط الخارجين عن القانون ومسجَّلي الخطر، فيقول: "الشرطة بتعتبرنا مخالفين، ووضعنا غير قانوني، طيب بالنسبة للحملات اللي بياخدوا فيها أصحاب التكاتك، علشان يظبطوا الحرامية وتجار المخدرات، بيكون كمان وضعنا غير قانوني ولا إيه".
ملف خاص:
رحلة "التوك توك".. من الهند إلى "الطريق الأبيض"
شباب وحملة بكالوريوس يصرخون: رضينا بالتوك توك والتوك توك مش راضي بينا
خبير: "التوك توك" دخل مصر في غفلة من الحكومة.. وقرار منع استيراده جيد
"المرور" لـ"الوطن": قرارات بحبس أفراد شرطة تقاضوا "رشوة" من سائقين
صاحب شركة استيراد: أنا أول من أدخل "التوك توك" مصر.. وإلغاؤه يشعل ثورة
رحلة "التوك توك" لـ"الطريق الأبيض".. ذهاب بلا عودة
خبير أمني: سرقة التكاتك واردة بسبب عدم ترخيصها.. ويجب إيجاد وضع قانوني
لا تقولي هندي ولا صيني.. ميكانيكي "التوك توك" مصري واسمه عم محمد
في كشك "أم وليد" كل مستلزمات "التوك توك".. من "الرفرف" لـ"الصمولة"