شروط الحلوة ويكا

هتطاطى البصلة وإلا هاكسر رقبة أجدع ديك لأمرى هتسمع وتطيعنى ولا تقدر حتى تمانعنى أو حتى تفكر تقاطعنى علشان هاقدر أأذيك يا صاحب الموقع والصيت والجاه والمال وتاريخ مليان بعيال جدعان بس على مين ده أنا ويكا يا شاطر أقدر أفنيك ولا حد يقدر يعاندنى أو يقايضنى جرب مرة تطاوعنى هاحميك وأفديك وأديك من خيرى تعيش مبسوط وسعيد هافديك بغاراتى وأسطولى وف وسط النار هافرد طولى وأطمع وأفرد دراعاتى عليك وأديك من علمى وتفانينى وتبقى الننى لنور عينى ويا ويلك لو يوم حنيت لأيها أمجاد أهاليك وتفكر يوم تصالحها وتحاول تبنى وتعمّر وتصالح عمك أو خالك للخير يهديك وتجرى تبوس لى راس أمك ساعتها هاخللى الأخ يقتل أخوه ويحرق غيطه ويهدم بيته وللشر هاذله وأأذيك وأدوس على أنفك وأبيدك مش بعت السما والأرض وخنت العرض يبقى موسم وأخطط فيك وتلف وتجرى فى محرابى وتسجد ياما على بابى ساعتها أفكر أحميك بس بشرط تطاطى البصلة علشان أديك وأديك وأديك عايدة البصيلى كفر الدوار - بحيرة