ابن الشهيد

أنا ابن الشهيد اللى قتلته.. بإيديك أنا ابن الشهيد اللى ميّت وعايش عند ربه فوق فالسبع سماوات أنا ابن الشهيد اللى بغدرك وجبنك دمه سايل.. .. من بين إيديك أنا أبويا كان عايش بيحمى تراب بلده ليه يتمتنا أنا وأختى وأخويا.. .. حراااااام عليك ليه تحرمنا منه.. هقول لمين يا بابا من بعده أبويا كان عايش بيحمى أرضه.. عاش بيخدم ولاد بلده عاش بيعشق كلمة مصر.. عاش بيعشق تراب وطنه وربانى أنا وأخواتى على عشقك.. يا مصر فتحيا مصر أبية على العصاة.. إلى يوم الدين بحبك يا بلدى.. واللى علمنى حُبك مات غدر مات غدر فدا.. ترابك يا بلدى مات أبويا عشان إحنا نعيش ولا نكتفيش بالفرجة والكلام اللى لا بيودى ولا بيجيب أبويا إيه ذنبه عشان يموت.. . ذنبنا إيه نتحرم منه عارف يا للى قلبك طاوعك وقتلت أبويا أنا أبويا كان مثلى.. وأنا كنت حلمه أبويا كان عمرى.. وأنا كنت أملُه أبويا كان قدوتى.. . وأنا كنت عمره أبويا كان روحى.. وأنا بسمته طب قولى يا اللى قتلت أبويا أنا لما أبكى مين هيمسح دمعتى ولما أشكى مين هيسمع لشكوتى ويوم ما أنجح مين هيشاركنى فرحتى ولما حد هييجى عليَّا.. مين هيجيبلى حقى ويردلى ضحكتى