بكرة المر الجاى
بكرة المر الجاى
أمى قالتلى روح يا وليدى جيب التموين
كان يومى سعتها زى الطين
وانا جاى من عند التاجر
عترت بى.. الحافر
رمتنى ف بورة مهجورة
أتارى البورة مسكونة
يومها أمى
خدتنى للشيخ بهلول الدجال
شيخ بهلول.. يا شيخ بهلول
الحقنى قوام
الواد ح يغور
شيخ بهلول
شوفلى حلول
وليدى وشه أصفر
عضمه أنحل
ولونه أخضر
الشيخ بهلول طلق بخور
فاكر يومها أنا البخور
كان عين جن.. مستكة.. وجاوى
أتارى الحاوى
عرف يداوى
عرف أسرارى
فك رموزى المقفولة
وسر البورة المسكونة
بشبح بكرة المر الجاى
