بلدنا بخير
بلدنا بخير
بنسهر بره
قدام دارنا
أنا واخواتى
وعيال عمى
تملى يوماتى
ننعى همومنا
وهموم بكرة
لما نجوع بنده ياامه
عايزين لقمة
وحتة جبنة
كلنا العيش ومعاه الجبنة
حسينا معاها
بطعم البتزا
أنده ياامه اعملى شاى
أمى تقولى خد عايزاك
أدخل جوه
أمى تقولى
دا مفيش سكر
أيوه صحيح دانا
ناسى أقولك
إيه الحاصل بره ياأمى
الناس بيقولوا التموين
عايزين يشيلوه
صرخت أمى قالت بوووو
أرجع تانى لعيال عمى
ندخل جوه لجل ننام
نحلم بكرة ييجى المحصول
ندعى من الله همومنا تزول
ياامه اخواتى
يومها جريت زى النحلة
ف وسط الزحمة
على واد خالى
اللى بيعرف أكتر منى
إكمنه محامى
قال متصدقش الإشاعات
على بطايق التموينات
افرحى ياامه
بلدنا بخير
