عمرو أديب: مابحبش اسمع كلمة بحبك.. المهم عندي الفعل

انتقد الإعلامي عمرو أديب، الزوجات اللاتي يرغبن في سماع كلمة "بحبك" باستمرار من أزواجهن، مضيفًا أن الحب فعل وليس كلمة. وتابع أديب خلال حلقة أمس من برنامجه "القاهرة اليوم"، المذاع على فضائية "اليوم": "لما بستحملك وانتي تعبانة معناها إني بحبك، لما بقوم بليل عشان أقفل الباب وانتي مش قادرة تقفليه معناها بحبك، لما تكوني عيانة وأجيبلك دواء معناها إني بحبك". وعندما سأله المحامي خالد أبوبكر "إنت مبتحبش تسمع كلمة بحبك"، قال "أديب": "لا أسمعها ليه عادي.. أنا عايز فعل"، وتابع: "الاهتمام يعني حب.. لو الست تعبانة وعاوزة تنام تتفضل تنام مش هزعجها ده حب برضو". وأضاف أديب: "الواحد لازم أما يقول حاجة يكون حاسسها"، وهو ما أثار استغراب المحامي خالد أبوبكر، فقال له: "لا ده الموضوع تاني.. أنت مش حاسسها أصلا؟.. أنت كده ورطت نفسك"، فقال له الإعلامي عمرو أديب: "أنا عشان أقولها لازم تكون المشاعر جياشة".