لو سألت الإخوانى «انت معترض على إيه؟» هيقول لك: «مبارك رجع ومرسى لسه»

ما بين الوجع والفرحة، استغل أنصار جماعة الإخوان الإرهابية المشهد كعادتهم فى أعمال الشغب، نزلوا بمشاعل خشبية جابوا بها شوارع المعادى اعتراضاً على حكم براءة الرئيس الأسبق «مبارك»، تحت شعار «تحيا مصر إسلامية». على بُعد خطوات من مستشفى الريان بحى المعادى، وقف «محمد»، شاب إخوانى، بعصا نارية، يشعل من خلالها النار لباقى زملائه، مبرراً: «سكتنا كتير وفضلنا 3 سنين وأكتر مستنيين الإعدام، بس بعد ما مبارك أخد براءة يبقى حلال أى حاجة نعملها فى البلد دى، وبدأنا بالنار عشان هنولعها، وبدل ما كنا بنطالب بإعدامه مش هيكفينا إلا حرقه». وأكد الشاب العشرينى أن فكرة المشاعل لم تقتصر على منطقة المعادى فقط، لكنه يسعى مع شباب من أنصار الإخوان بمنطقته لنشرها فى جميع المناطق والمحافظات. ويقول محمود عيسى الذى خرج من منزله فى محاولة لإقناع شباب الإخوان بالتوقف عما يفعلونه تحت منزله بشارع 77، «كل واحد فاكر إن اللى بيعملوه ده هيرجع مرسى ويعدم مبارك، وفضلوا يقولوا لى اطلع بيتك عشان ما نعوركش وإحنا اللى معانا الشرعية».